美城苑呼籲司庫簽支票

               

我係度呼籲前主席勞國華同前司庫鄭蓮冰，你哋唔好再做錯事，你哋要為美城苑業主着想，因為你哋唔肯簽支票，連租美林小學開業主大會都無錢比學校落訂金，咁嘅做法只會係損人不利己，你哋係知道銀行支票重係要你哋兩個簽名至攞到錢，但係你哋就係唔肯簽名，點解要咁做呢！我哋委員幾經困難想盡辦法至係10月15日，係合法嘅情況下開到管委會，委任翻主席出嚟至做到會議記錄交去銀行辦轉名，但係銀行辦團體轉名手續需要一段長時間，而家清潔公司，園藝公司，多間工程承辦商，都因為你兩人唔肯簽支票，令到佢哋收唔到錢！我係到呼籲你倆人，盡快到管業處揾何經理係多張支票上簽名，唔好再做多次錯事啦。